健康新知：分享都市人實用知識
DHA係咪愈多愈好?
相信各位即將做媽媽的女仕們都有了解過DHA呢種營養，究竟DHA係咪咁重要？究竟咩係DHA？今日等我同大家講解下DHA啦~!!
咩係DHA？
DHA係一種不飽和脂肪酸，主要有助BB出世頭兩年既視力同腦部發展，而DHA主要存在於母乳，魚類或者海藻類植物上。而想要人體製造出DHA，就需要攝取α-亞麻酸，人體就會自然製造出DHA喇。
咩人仕最好唔好攝取DHA?
如果你係對魚油，海藻敏感既人仕，都唔建議攝取DHA，同時如果你係有免疫功能異常、高血壓、高血脂、肝硬化及有肝病等問題，都係唔建議攝取DHA。另外如果你係有長期服食避孕藥，或者本身有血友病既人仕，同樣都係唔適合攝取架。當然最主要都係聽從專案人士既意見先係最好。
食得多DHA係咪就係好?
如果大量攝取DHA，其實係有可能影響其他身體既脂肪酸進行代謝作用，到時候可能會對腎功能、凝血功能同免疫反應都有影響。亦有相關報導指出，吸收過量DHA係會造成大便稀爛，胃部不適及噁心等等既情況。按食物安心中心指引表示，BB其實已經可以係母乳上吸收到足夠既DHA。最最最重要，其實暫時係未有研究指出食用含有DHA配方既奶粉係對BB有長期益處既影響，同時奶粉中既DHA未必可以同母乳中含有既DHA相提並論，所以正常情況下母乳依然係BB最好既選擇。
如果餵唔到母乳，要飲配方奶粉，咁點算？
如果係上述情況，食物安心中心指引都指出只要奶粉中含有既AA同DHA濃度為同等，而EPA又唔超過DHA既話，正常情況都唔會有安全問題出現，記住記住記住，係正常情況下！！
總結
雖然研究指出DHA係對初生BB既視力及腦部發展係有正面影響（實際佐證並不多），但都希望各位媽媽要理性分析，令BB有足夠及均衡既營養先係最重要，過份神化某種營養而令BB吸收營養不足而出現唔健康既情況，到時真係得不償失。
資料來源
懷孕要唔要食保健品！？
懷孕時期，好多人都好奇究竟需唔需要食保健品，食左好似對BB好啲咁。其實答案係唔一定要，根據衛生署既指引，懷孕期間有攝取足夠既營養，保持飲食均衡就可以。
咁懷孕期間有咩營養特別需要！？
以下食品及資訊介紹為衛生署（懷孕及哺乳期的健康飲食）提供
懷孕初期
根據衛生署指出，懷孕首十三周，對葉酸、碘及維他命A係比較重要
而中期，即第十四至四十周，除左上述既營養之外，熱量、蛋白質、鐵、鋅、Omega 3脂肪酸及鈣質都係必要所需。
咁到底呢啲營養有咩好處，同埋可以係邊吸收！？
葉酸
葉酸有助防止貧血及患上先生腦部或脊椎發育異常等缺陷既作用
攝取途徑
主要可以進食綠色菜類、豆類、水果、肝臟及花生等補充葉酸
維他命A
維他命A有助視力發展，除此之外，對正常成長及免疫系統都係不可缺少既一部分，但同時都要注意，過量既維他命A亦有可能導致胎兒出現缺陷。
攝取途徑
紅色及黃色既水果或者深黃色既蔬菜都係維他命A既主要來源，例如車厘茄、紅蘿蔔、南瓜或者蕃薯等等，同時適量既雞蛋同牛奶都有助滿足自身同BB所需。
碘
碘係維持人體新陳代謝及甲狀線功能既必要礦物質，同時亦係對嬰兒腦部發展既必要元素。但係都係要注意攝取份量，唔係就會對自己既甲狀線出現影響（俗稱大頸泡）。
攝取途徑
海魚、海蝦、蠔、雞蛋、牛奶及紫菜等等都係碘既主要來源，尤其紫菜含有既碘係比較豐富。推薦食譜為清蒸海蝦，去蝦腸後簡單蒸煮10-20分鐘，方便烹調。
鐵質
鐵質都係必要元素之一，有助保障胎兒生長及腦部發展，同時亦有預防令媽媽減低忠上貧血既機會。
攝取途徑
一般肉類都含有鐵質，例如魚、家禽、海鮮、紅肉等等，而且深綠色既蔬菜如菜心、芥菜、白菜、菠菜及西蘭花等等都含有鐵質。推薦食譜為牛肉炒菜心，以少量蠔油調味，不失營養又美味佳宜。
維他命C
維他命C有助增強自身免疫力同時亦有助吸收食物中既鐵質
攝取途徑
一般新鮮蔬菜或者水果都含有維他命C，有吸收上述營養，正常都有足夠既維他命C。
鈣質
鈣質主要構成骨骼及牙齒既基本元素，如果攝取不足，好大機會導致早產及妊娠高血壓等風險。
攝取途徑
可以食用芝士及乳酪（低脂），或者進食深綠色葉菜如菜心、白菜、豆腐、蝦米魚乾等食品。推薦菜單可以以白菜豆腐及蝦米加入雞湯煲煮，味道豐富而不失營養。
Omega 3脂肪酸
Omega 3脂肪酸分為DHA及EPA兩種，DHA主要有助腦部及視力發展
攝取途徑
主要來源為三文魚、沙甸魚、黃花魚、紅衫魚、秋刀魚及䱽魚等魚類都含有豐富既DHA，同時亞麻籽、合桃或者芥花籽油當中既α-亞麻酸亦可以轉化為DHA
總結
一般孕婦如果飲食均衡，係無需使用保健品去補充身體缺乏既營養，但係有部分營養來源都係有一定既潛在風險，例如魚類既營養來源，因為環境污染問題，魚類容易含有水銀，會影響胎兒既神經系統，所以作為媽媽必須注意！同時飲食喜好絕對會影響營養均衡，相信各位媽媽都會唔鍾意食既食物，亦相信好難可以一時三刻去改變，所以保健品絕對係一個好既代替品去補充翻呢啲營養。
我地Alps Vital而家都有一款產品，「Swiss Energy - 瑞士孕婦專用產前多維礦物質納米膠囊」係包含以上大部分營養所需，如各種維他命，葉酸，各種礦物質等既營養，由瑞士製造同時納米膠囊技術有助更好吸收呢啲營養既同時唔會造成傷胃，唔包含任何副作用架。最重要我地呢款產品係有9項世界級認證，美國FDA，瑞士醫藥認證，瑞士生物認證，有機/生物認證，英國BRC認證，歐洲iFS認證，GMP，HACCP，ISO 22000證書；大家可以食得安心啦！
資料來源